Hugmyndin um Golfherma aðstöðu í Þorlákshöfn er ekki ný á nálinni, mikið var talað um stofnun slíks félags síðustu árin og þá sérstaklega í kringum golfstarfið. Í lok Nóvember/byrjun Desember 2025 var hugmyndin komin aftur í loftið og að lokum á teikniborðið.

Eftir talsverða hugarsmíði var Golfstofan ehf svo formlega stofnuð af Hallgrími Þór Axelssini og Ingvari Jónssini þann 02.01.2026. Þrátt fyrir mörg verkefni þá reyndist erfiðast að finna nafn á fyrirtækið og aðstöðuna. Hugmyndir eins og "Glompan, Swing Club, Sandurinn" voru ofarlega á listanum en eftir aðstoð vina og vandamanna þá varð Teigurinn Golfstofa fyrir valinu.

Báðir félagarnir eru fjölskyldumenn og í fullri dagvinnu ásamt öðrum skuldbindingum en unnið var frá morgni til kvölds alla daga frá um miðjan Desember þar til sunnudagsins 01.02.2026 þegar Teigurinn Golfstofa var formlega opnuð og bókanir í herminn gerðar aðgengilegar almenningi.